“Fairmont” otelində “RM Nəşriyyatı”-nın təşkilatı dəstəyi ilə Turan Həsənlinin “Riyazi Məntiq” kitabının təqdimat mərasimi keçirilmişdir.

05.03.2023 tarixində “Fairmont”hoteldə “RM Nəşriyyatı”-nın təşkilatı dəstəyi ilə Turan Həsənlinin "Riyazi Məntiq" kitabının təqdimat mərasimi keçirilmişdir. Tədbir “RM Nəşriyyatı”-nın icraçı direktoru Muxtar Abbasovun açılış nitqi ilə başlamışdır. Muxtar Abbasov tədbir iştirakçılarına “RM Nəşriyyatı”-nın vəsaitləri barəsində məlumat verdi. Tədbirdə tarix üzrə fəlsəfə doktoru, çoxsaylı kitabların müəllifi Rəhim Məcnunov Azərbaycan dövlətinin təhsil siyasəti və bu sahədə nəşriyyatların rolu və əhəmiyyəti barədə danışdı. Nəşriyyatın idarə heyətinin üzvü iqtisadiyyat üzrə fəlsəfə doktoru Əli Əlibəyi nəşriyyatın gələcək planları və hədəfləri barəsində çıxış etmişdir.

Tədbirin gedişində “Turan Hasanli Academy”-nin direktoru Turan Həsənlinin "Uğurlu Şagird" seminarı baş tutmuşdur. Seminarda şagirdlərlə motivasiya xarakterli söhbət aparıldı. Tədbirin sonunda qonaqlara kitab və sertifikatlar verilib, xatirə şəkili çəkilmişdir.