05.04.2024 tarixində ANAİB-in təşkil etdiyi "Lənkəranda 2-ci kitab sərgisi" baş tutdu. Sərgi 5-7 aprel tarixləri ərzində davam etdi. RM Nəşriyyatı olaraq biz də bütün nəşrlərimizlə sərgidə iştirak etdik.
Mərasim Azərbaycan Nəşriyyatları Assosiasiyası, Gənclər və İdman Nazirliyi və Mədəniyyət Nazirliyinin birgə təşkilatçılığı, Elm və Təhsil Nazirliyi, Lənkəran-Astara Regional Təhsil İdarəsi və Lənkəran Şəhər İcra Hakimiyyətinin təşkilati dəstəyi ilə həyata keçirildi.
Sərginin təşkilində ölkənin 30-a yaxın aparıcı nəşriyyatı, 70 nəfərə yaxın yazıçı və ziyalıların iştirakı baş tutdu. Tədbir çərçivəsində maraqlı proqram və çox-çeşidli kitabların 20-90% arası endirimli satışı, eləcə də nümayişi nəzərdə tutulmuşdur.
Müxtəlif endirimlərin tətbiq olunduğu kitab festivalında tanınmış ədiblərin iştirakı ilə təqdimatlar, imza mərasimləri, konsert proqramları, şeir gecələri, uşaqlar üçün nağıl saatları və master-klaslar təşkil olunmuşdur.
Sərgiyə gələn kitabsevərlər üçün təşkil edilmiş yazıçıların, şairlərin çıxışı, yeni nəşr edilmiş bədii kitabların müəllifləri ilə keçirilən imza saatı və musiqili dəqiqələr də günə rəngarəng gözəlliklər qatırdı.
Comments